होशियारपुर 22 मार्च (न्यूज़ हंट)- गढ़शंकर के गांव बसियाला में बहुत देर से बंद पडे मानव रहित रेलवे फाटक जिस पर किसी मुलाजिम की तैनाती न होने के कारण इसे पक्के तौर पर बंद कर दिया गया है जिसके चलते गांववासी तथा अन्य राहगीर परेशान हैं। गत दिनों गांव वासियों तथा आसपास के क्षेत्रों के निवासियों ने यहां धरना दिया हुआ था जिन की समस्याएं सुनने के लिए भाजपा हिमाचल प्रदेश प्रभारी व पंजाब के पूर्व राज्यसभा सांसद अविनाश राय खन्ना धरना स्थल पर पहुंचे जहां लोगों ने उन्हें अपनी व्यथा सुनाई थी तथा श्री खन्ना ने जल्द केंद्रीय रेल मंत्री से मिलकर निवासियों की समस्या का स्थाई समाधान निकालने का आश्वासन दिलाया था।

गांव बसियाला के निवासियों को दिए गए आश्वासन के तहत श्री खन्ना केंद्रीय रेल मंत्री श्री अश्वनी वैष्णव से मिले तथा खन्ना ने उन्हें सारी स्थिति बताते हुए कहा कि गांव बसियाला में बने रेलवे फाटक पर बहुत देर से किसी मुलाजिम की तैनाती न होने के चलते इसे पक्के तौर पर बंद कर दिया गया है जिसके चलते फाटक से गुजरने वाले लोगों किसी और रास्ते से होकर रेलवे लाइन पार करनी पड़ती है या फिर यहां के निवासी बिना किसी सुरक्षा की रेलवे लाईन पार करने को मजबूर हैं। जिसके चलते भारी जानी माली नुकसान का खतरा सदा बना रहता है। खन्ना ने रेल मंत्री से आग्रह किया कि वे जल्द बंद पड़े रेलवे फाटक पर किसी मुलाजिम की तैनाती करवा कर इस फाटक को खोलें ताकि लोगों के समय और पैसे की बचत हो सके। रेल मंत्री को बताया कि गांव वासियों ने आग्रह किया है कि यदि सरकार किसी कारण वश इस रेलवे फाटक पर मुलाजिम की नियुक्ति नहीं भी कर सकती तो गांव बसियाला की पंचायत रेलवे फाटक पर एक मुलाजिम की नियुक्ति अपने खर्चे पर करने के लिए तैयार है जिसके लिए उन्हें आज्ञा दी जा सकती है। केंद्रीय रेल मंत्री अश्विनी वैष्णव ने खन्ना द्वारा बताई गई स्थिति पर गौर करते हुए यह आश्वासन दिया कि वे जल्दी समस्या का समाधान निकालने के लिए आवश्यक कार्रवाई करेंगे।

ਹੁਸ਼ਿਆਰਪੁਰ, 21 ਮਾਰਚ (ਨਿਊਜ਼ ਹੰਟ)- ਕੇਂਦਰੀ ਉਦਯੋਗ ਤੇ ਵਣਜ ਰਾਜ ਮੰਤਰੀ ਸ੍ਰੀ ਸੋਮ ਪ੍ਰਕਾਸ਼ ਨੇ ਕਿਹਾ ਕਿ ਸਰਕਾਰ ਦੀਆਂ ਵੱਖ-ਵੱਖ ਯੋਜਨਾਵਾਂ ਨੂੰ ਸੁਚਾਰੂ ਢੰਗ ਨਾਲ ਲਾਗੂ ਕੀਤਾ ਜਾਵੇ ਤਾਂ ਜੋ ਇਨ੍ਹਾਂ ਯੋਜਨਾਵਾਂ ਦਾ ਸਬੰਧਤ ਲਾਭਪਾਤਰੀਆਂ ਨੂੰ ਫਾਇਦਾ ਪਹੁੰਚਾਇਆ ਜਾ ਸਕੇ। ਉਹ ਅੱਜ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਜ਼ਿਲ੍ਹਾ ਵਿਕਾਸ ਕੋਆਰਡੀਨੇਸ਼ਨ ਅਤੇ ਮਾਨੀਟਰਿੰਗ ਕਮੇਟੀ (ਦਿਸ਼ਾ) ਤਹਿਤ ਮੀਟਿੰਗ ਦੌਰਾਨ ਜ਼ਿਲ੍ਹੇ ਵਿਚ ਚੱਲ ਰਹੀਆਂ ਕੇਂਦਰ ਸਰਕਾਰ ਦੀਆਂ ਯੋਜਨਾਵਾਂ ਦੀ ਸਮੀਖਿਆ ਕਰ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨਾਲ ਕਮੇਟੀ ਮੈਂਬਰ ਸਾਬਕਾ ਕੈਬਨਿਟ ਮੰਤਰੀ ਸ੍ਰੀ ਤੀਕਸ਼ਨ ਸੂਦ, ਡਾ. ਦਿਲਬਾਗ ਰਾਏ, ਵਧੀਕ ਡਿਪਟੀ ਕਮਿਸ਼ਨਰ (ਸ਼ਹਿਰੀ ਵਿਕਾਸ) ਹਿਮਾਂਸ਼ੂ ਜੈਨ, ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਦਰਬਾਰਾ ਸਿੰਘ, ਐਸ.ਪੀ. ਸ੍ਰੀ ਅਸ਼ਵਨੀ ਕੁਮਾਰ ਵੀ ਮੌਜੂਦ ਸਨ।

ਕੇਂਦਰੀ ਰਾਜ ਮੰਤਰੀ ਨੇ ਇਸ ਦੌਰਾਨ ਸਕੂਲ ਸਿੱਖਿਆ ਵਿਭਾਗ, ਮੈਡੀਕਲ ਕਾਲਜ ਦੇ ਨਿਰਮਾਣ, ਜਨਨੀ ਸੁਰੱਖਿਆ ਯੋਜਨਾ, ਜਲ ਸਪਲਾਈ ਮਿਸ਼ਨ, ਸਵੱਛ ਭਾਰਤ ਮਿਸ਼ਨ, ਕਿਸਾਨ ਸਨਮਾਨ ਨਿਧੀ, ਰਾਸ਼ਟਰੀ ਕ੍ਰਿਸ਼ੀ ਵਿਕਾਸ ਯੋਜਨਾ, ਸਮਾਜਿਕ ਸੁਰੱਖਿਆ ਯੋਜਨਾਵਾਂ, ਮਗਨਰੇਗਾ, ਪੀ.ਐਮ.ਕੇ. ਵੀ.ਵਾਈ., ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ, ਬੀ.ਐਸ.ਐਨ.ਐਲ. ਤੇ ਨੈਸ਼ਨਲ ਹਾਈਵੇਜ਼ ਅਥਾਰਟੀ ਵਲੋਂ ਕੀਤੇ ਜਾ ਰਹੇ ਕੰਮਾਂ ਦਾ ਵੀ ਜਾਇਜ਼ਾ ਲਿਆ। ਉਨ੍ਹਾਂ ਖੁਸ਼ੀ ਪ੍ਰਗਟ ਕਰਦੇ ਹੋਏ ਦੱਸਿਆ ਕਿ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਤਹਿਤ ਜ਼ਿਲ੍ਹੇ ਵਿਚ 102946 ਲਾਭਪਾਤਰੀਆਂ ਨੂੰ 2 ਅਰਬ 10 ਕਰੋੜ 6 ਲੱਖ 6 ਹਜ਼ਾਰ ਰੁਪਏ ਉਨ੍ਹਾਂ ਦੇ ਖਾਤੇ ਵਿਚ ਟਰਾਂਸਫਰ ਕੀਤੇ ਜਾ ਚੁੱਕੇ ਹਨ। ਉਨ੍ਹਾਂ ਨੈਸ਼ਨਲ ਹਾਈਵੇਜ਼ ਅਥਾਰਟੀਜ਼ ਦੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੰਦੇ ਹੋਏ ਕਿਹਾ ਕਿ ਟਾਂਡਾ-ਹੁਸ਼ਿਆਰਪੁਰ, ਹੁਸ਼ਿਆਰਪੁਰ-ਊਨਾ ਰਾਸ਼ਟਰੀ ਮਾਰਗ, ਦਸੂਹਾ ਤੇ ਮੁਕੇਰੀਆਂ ਬਾਈਪਾਸ ਦੇ ਕੰਮਾਂ ਵਿਚ ਤੇਜ਼ੀ ਲਿਆਂਦੀ ਜਾਵੇ। ਉਨ੍ਹਾਂ ਲੋਕ ਨਿਰਮਾਣ ਵਿਭਾਗ ਦੇ ਅਧਿਕਾਰੀਆਂ ਨੂੰ ਪ੍ਰਧਾਨ ਮੰਤਰੀ ਗਰਾਮ ਸੜਕ ਯੋਜਨਾ ਨਿਰਮਾਣ ਕੰਮਾਂ ਵਿਚ ਹੋਰ ਗੰਭੀਰਤਾ ਨਾਲ ਕੰਮ ਕਰਨ ਦੇ ਨਿਰਦੇਸ਼ ਦਿੱਤੇ।

ਸ੍ਰੀ ਸੋਮ ਪ੍ਰਕਾਸ਼ ਨੇ ਸਿੱਖਿਆ ਵਿਭਾਗ ਦੇ ਅਧਿਕਾਰੀਆਂ ਦੇ ਨਿਰਦੇਸ਼ ਦਿੰਦੇ ਹੋਏ ਕਿਹਾ ਕਿ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਨੂੰ ਪੂਰੀ ਗੰਭੀਰਤਾ ਨਾਲ ਲਿਆ ਜਾਵੇ, ਤਾਂ ਜੋ ਜ਼ਰੂਰਤਮੰਦ ਵਿਦਿਆਰਥੀਆਂ ਨੂੰ ਇਨ੍ਹਾਂ ਸੁਵਿਧਾਵਾਂ ਦਾ ਲਾਭ ਮਿਲ ਸਕੇ। ਉਨ੍ਹਾਂ ਦੱਸਿਆ ਕਿ ਇਸ ਤਰ੍ਹਾਂ ਬੇਟੀ ਬਚਾਓ-ਬੇਟੀ ਪੜ੍ਹਾਓ ਯੋਜਨਾ ਤਹਿਤ ਸਾਲ 2021-22 ਵਿਚ 30 ਲੱਖ ਰੁਪਏ ਖਰਚ ਕੀਤੇ ਗਏ ਹਨ। ਕੇਂਦਰੀ ਰਾਜ ਮੰਤਰੀ ਨੇ ਸਮਾਜਿਕ ਸੁਰੱਖਿਆ ਵਿਭਾਗ ਤਹਿਤ ਚਲਾਈਆਂ ਜਾ ਰਹੀਆਂ ਯੋਜਨਾਵਾਂ ਵਿਚ ਤੇਜ਼ੀ ਲਿਆਉਣ ਦੇ ਵੀ ਨਿਰਦੇਸ਼ ਦਿੱਤੇ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਦੀਆਂ ਵੱਖ-ਵੱਖ ਭਲਾਈ ਯੋਜਨਾਵਾਂ ਦਾ ਲੋਕ ਤਾਂ ਹੀ ਫਾਇਦਾ ਉਠਾ ਸਕਦੇ ਹਨ, ਜੇਕਰ ਉਨ੍ਹਾਂ ਨੂੰ ਇਨ੍ਹਾਂ ਯੋਜਨਾਵਾਂ ਸਬੰਧੀ ਜਾਣਕਾਰੀ ਹੋਵੇਗੀ। ਇਸ ਲਈ ਇਨ੍ਹਾਂ ਯੋਜਨਾਵਾਂ ਪ੍ਰਤੀ ਜਾਗਰੂਕਤਾ ਫੈਲਾਉਣਾ ਵੀ ਸਬੰਧਤ ਅਧਿਕਾਰੀ ਦੀ ਜ਼ਿੰਮੇਵਾਰੀ ਹੈ।

ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ (ਸ਼ਹਿਰੀ ਵਿਕਾਸ) ਅਤੇ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਨੇ ਭਰੋਸਾ ਦਿੱਤਾ ਕਿ ਜਿਲ੍ਹਾ ਪ੍ਰਸ਼ਾਸਨ ਵਲੋਂ ਜ਼ਿਲ੍ਹਾ ਵਾਸੀਆਂ ਨੂੰ ਸਰਕਾਰ ਦੁਆਰਾ ਦਿੱਤੀਆਂ ਜਾ ਰਹੀਆਂ ਸੁਵਿਧਾਵਾਂ ਮੁਹੱਈਆ ਕਰਵਾਉਣ ਵਿਚ ਕੋਈ ਕਮੀ ਨਹੀਂ ਛੱਡੀ ਜਾਵੇਗੀ। ਉਨ੍ਹਾਂ ਲੋਕ ਨਿਰਮਾਣ ਵਿਭਾਗ, ਬੀ.ਐਸ.ਐਨ.ਐਲ., ਨੈਸ਼ਨਲ ਹਾਈਵੇਜ ਅਥਾਰਟੀ, ਸਿੱਖਿਆ ਵਿਭਾਗ ਨੂੰ ਨਿਰਦੇਸ਼ ਦਿੱਤੇ ਕਿ ਵਿਭਾਗ ਵਲੋਂ ਚਲਾਈਆਂ ਜਾ ਰਹੀਆਂ ਵੱਖ-ਵੱਖ ਯੋਜਨਾਵਾਂ ਨੂੰ ਸੁਚਾਰੂ ਢੰਗ ਨਾਲ ਲਾਗੂ ਕਰਨ ਦੇ ਕੰਮਾਂ ਵਿਚ ਤੇਜ਼ੀ ਲਿਆਉਣ ਤੋਂ ਇਲਾਵਾ ਇਨ੍ਹਾਂ ਯੋਜਨਾਵਾਂ ਬਾਰੇ ਜਾਗਰੂਕਤਾ ਵੀ ਫੈਲਾਈ ਜਾਵੇ। ਇਸ ਮੌਕੇ ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀ ਵੀ ਹਾਜ਼ਰ ਸਨ।

ਹੁਸ਼ਿਆਰਪੁਰ, 21 ਮਾਰਚ (ਨਿਊਜ਼ ਹੰਟ)- ਮਾਨਯੋਗ ਰਾਜਪਾਲ ਪੰਜਾਬ ਸ੍ਰੀ ਬਨਵਾਰੀ ਲਾਲ ਪੁਰੋਹਿਤ ਨੇ ਕਿਹਾ ਕਿ ਦੇਸ਼ ਦੇ ਹਰ ਖੇਤਰ ਵਿਚ ਬੇਟੀਆਂ ਮੋਹਰੀ ਭੂਮਿਕਾ ਨਿਭਾਅ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਦੇਸ਼ ਦੀ ਸੇਵਾ ਲਈ ਅੱਜ ਮਹਿਲਾਵਾਂ ਵੱਧ ਚੜ੍ਹ ਕੇ ਸੈਨਾ, ਅਰਧ ਸੈਨਿਕ ਬਲਾਂ ਤੇ ਪੁਲਿਸ ਫੋਰਸ ਵਿਚ ਸ਼ਾਮਲ ਹੋ ਰਹੀਆਂ ਹਨ ਜੋ ਕਿ ਸਾਰਿਆਂ ਲਈ ਗੌਰਵ ਦਾ ਵਿਸ਼ਾ ਹੈ। ਉਹ ਅੱਜ ਸਹਾਇਕ ਸਿਖਲਾਈ ਕੇਂਦਰ ਸੀਮਾ ਸੁਰੱਖਿਆ ਬਲ, ਖੜ੍ਹਕਾਂ ਕੈਂਪ ਵਿਚ ਮਹਿਲਾ ਕਾਂਸਟੇਬਲਾਂ ਦੀ ਪਾਸਿੰਗ ਆਊਟ ਪਰੇਡ ਦੌਰਾਨ ਬਤੌਰ ਮੁੱਖ ਮਹਿਮਾਨ ਨਵੇਂ ਕਾਂਸਟੇਬਲਾਂ ਨੂੰ ਸੰਬੋਧਨ ਕਰ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨਾਲ ਆਈ.ਜੀ. ਬੀ.ਐਸ.ਐਫ. ਖੜ੍ਹਕਾਂ ਕੈਂਪ ਸ੍ਰੀ ਮਧੂ ਸੂਦਨ ਸ਼ਰਮਾ, ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਅਪਨੀਤ ਰਿਆਤ, ਐਸ.ਐਸ.ਪੀ. ਸ੍ਰੀ ਧਰੁਮਨ ਐਚ. ਨਿੰਬਾਲੇ ਵੀ ਮੌਜੂਦ ਸਨ।

ਮਾਨਯੋਗ ਰਾਜਪਾਲ ਨੇ ਮਹਿਲਾ ਨਵ ਕਾਂਸਟੇਬਲਾਂ ਦੀ ਆਤਮ ਵਿਸ਼ਵਾਸ਼, ਹੁਨਰ ਤੇ ਤਾਲਮੇਲ ਦੇ ਸ਼ਾਨਦਾਰ ਪ੍ਰਦਸ਼ਨ ਲਈ ਦਿਲੋਂ ਪ੍ਰਸ਼ੰਸਾ ਕੀਤੀ ਜੋ ਪਰੇਡ ਦੀ ਪਹਿਚਾਣ ਸੀ। ਉਨ੍ਹਾਂ ਬੀ.ਐਸ.ਐਫ. ਨੂੰ ਕੈਰੀਅਰ ਵਿਕਲਪ ਦੇ ਰੂਪ ਵਿਚ ਚੁਣਨ ਲਈ ਮਹਿਲਾ ਨਵ ਕਾਂਸਟੇਬਲਾਂ ਦੀ ਸਰਾਹਨਾ ਕੀਤੀ ਅਤੇ ਉਨ੍ਹਾਂ ਨੂੰ ਸਾਹਸ ਅਤੇ ਉਤਸ਼ਾਹ ਨਾਲ ਦੇਸ਼ ਦੀ ਸੇਵਾ ਕਰਨ ਅਤੇ ਦੇਸ਼ ਦੀ ਬੇਟੀਆਂ ਨੂੰ ਸੈਨਾ ਅਤੇ ਬੀ.ਐਸ.ਐਫ. ਵਿਚ ਸ਼ਾਮਲ ਹੋਣ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਆਤਮ ਵਿਸ਼ਵਾਸ਼ੀ, ਅਨੁਸ਼ਾਸਤ ਅਤੇ ਕੁਸ਼ਲ ਮਹਿਲਾ ਗਾਰਡ ਨੂੰ ਢਾਲਣ ਦੇ ਉਦੇਸ਼ ਨੂੰ ਪ੍ਰਾਪਤ ਕਰਨ ਵਿਚ ਸਫ਼ਲ ਯਤਨ ਲਈ ਆਈ.ਜੀ. ਬੀ.ਐਸ.ਐਫ. ਖੜ੍ਹਕਾਂ ਕੈਂਪ ਤੇ ਉਨ੍ਹਾਂ ਦੀ ਪੂਰੀ ਟੀਮ ਵਧਾਈ ਦੀ ਪਾਤਰ ਹੈ। ਉਨ੍ਹਾਂ ਨਵ ਕਾਂਸਟੇਬਲਾਂ ਨੂੰ ਜੀਵਨ ਅਤੇ ਸੇਵਾਵਾਂ ਵਿਚ ਉਜਵਲ ਭਵਿੱਖ ਲਈ ਅਸ਼ੀਰਵਾਦ ਦਿੱਤਾ।

ਅੱਜ ਸਹਾਇਕ ਸਿਖਲਾਈ ਕੇਂਦਰ ਸੀਮਾ ਸੁਰੱਖਿਆ ਬੱਲ ਖੜ੍ਹਕਾਂ ਵਿਚ ਮਹਿਲਾ ਨਵ ਕਾਂਸਟੇਬਲਾਂ ਦੀ ਪਾਸਿੰਗ ਆਊਟ ਪਰੇਡ ਅਤੇ ਸਹੁੰ ਸਮਾਰੋਹ ਵਿਚ 451 ਮਹਿਲਾ ਨਵ ਕਾਂਸਟੇਬਲ (ਬੈਚ ਨੰਬਰ 253 ਤੇ 254) ਮਹਿਲਾ ਕਾਂਸਟੇਬਲ ਦੇ ਰੂਪ ਵਿਚ ਆਪਣੀ-ਆਪਣੀ ਵਾਹਨੀਆਂ ਵਿਚ ਸ਼ਾਮਲ ਹੋਣ ਲਈ ਪਾਸ ਆਊਟ ਹੋਈ। ਪਰੇਡ ਦੁਆਰਾ ਮੁੱਖ ਮਹਿਮਾਨ ਨੂੰ ਰਾਸ਼ਟਰੀ ਸਲਾਮੀ ਦਿੱਤੀ ਗਈ। ਇਸ ਤੋਂ ਬਾਅਦ ਮੁੱਖ ਮਹਿਮਾਨ ਮਾਨਯੋਗ ਰਾਜਪਾਲ ਸ੍ਰੀ ਬਨਵਾਰੀ ਲਾਲ ਪੁਰੋਹਿਤ ਨੇ ਪਰੇਡ ਦਾ ਨਿਰੀਖਣ ਕੀਤਾ ਅਤੇ ਮਾਰਚਿੰਗ ਕਾਲਮ ਤੋਂ ਸਲਾਮੀ ਲਈ। ਆਈ.ਜੀ. ਬੀ.ਐਸ.ਐਫ. ਖੜ੍ਹਕਾਂ ਕੈਂਪ ਸ੍ਰੀ ਮਧੂ ਸੂਦਨ ਸ਼ਰਮਾ ਨੇ ਰਾਜਪਾਲ ਪੰਜਾਬ ਦਾ ਖੜ੍ਹਕਾਂ ਪਹੁੰਚਣ ’ਤੇ ਧੰਨਵਾਦ ਕੀਤਾ। ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਕਾਂਸਟੇਬਲਾਂ ਨੂੰ 44 ਹਫਤਿਆਂ ਦੀ ਹਥਿਆਰ ਚਲਾਉਣ, ਮਨੋਵਿਗਿਆਨ, ਅਪਰਾਧ ਵਿਗਿਆਨ, ਡਰਿੱਲ, ਸਿਵਲ ਕਾਨੂੰਨ, ਕੁਦਰਤੀ ਆਪਦਾ, ਫਸਟ ਏਡ ਤੇ ਮਾਨਵ ਅਧਿਕਾਰ ਆਦਿ ਸਬੰਧੀ ਸਖਤ ਸਿਖਲਈ ਦਿੱਤੀ ਗਈ ਹੈ। ਸਿਖਲਾਈ ਦੌਰਾਨ ਇਨ੍ਹਾਂ ਨਵ ਕਾਂਸਟੇਬਲਾਂ ਨੂੰ ਆਤਮ ਨਿਰਭਰ, ਅਨੁਸ਼ਾਸਨ ਵਿਚ ਰਹਿਣ ਤੇ ਮਾਨਸਿਕ ਤੌਰ ’ਤੇ ਮਜ਼ਬੂਤ ਬਣਨ ਲਈ ਹਰ ਸੰਭਵ ਯਤਨ ਕੀਤੇ ਗਏ ਹਨ, ਤਾਂ ਜੋ ਉਹ ਆਪਣੀ ਡਿਊਟੀ ਦੌਰਾਨ ਵਿਰੋਧੀ ਪ੍ਰਸਥਿਤੀ ਦਾ ਸਾਹਮਣਾ ਮਜ਼ਬੂਤੀ ਨਾਲ ਕਰ ਸਕਣ।

ਮਾਨਯੋਗ ਰਾਜਪਾਲ ਵਲੋਂ ਵੱਖ-ਵੱਖ ਇਨਡੋਰ ਤੇ ਆਊਟਡੋਰ ਵਿਸ਼ਿਆਂ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਨਵ ਕਾਂਸਟੇਬਲਾਂ ਨੂੰ ਮੈਡਲ ਪ੍ਰਦਾਨ ਕੀਤੇ ਗਏ, ਜਿਨ੍ਹਾਂ ਵਿਚ ਬੈਚ ਨੰਬਰ 253 ਵਿਚ ਬੈਸਟ ਇਨ ਡਰਿੱਲ ਵਿਚ ਨੈਨੀਤਾਲ ਦੀ ਪੂਜਾ ਕੋਰਾਂਗਾ, ਓਵਰ ਆਲ ਸੈਕੰਡ ਮਹਾਰਾਸ਼ਟਰ ਦੀ ਮੁਰਾਲ ਸਆਲੀ, ਓਵਰ ਆਲ ਫਸਟ ਬਿਹਾਰ ਦੀ ਮਾਧਵੀ ਕੁਮਾਰੀ, ਬੈਸਟ ਇਨ ਸ਼ੂਟਿੰਗ ਪੱਛਮ ਬੰਗਾਲ ਦੀ ਸੁਸ਼ਮਿਤਾ ਚੌਧਰੀ ਤੇ ਬੈਸਟ ਇਨ ਇੰਡੋਰੈਂਸ ਵਿਚ ਮਹਾਰਾਸ਼ਟਰ ਦੀ ਪਟਲੇ ਊਸ਼ਾ ਨੇ ਮੈਡਲ ਪ੍ਰਦਾਨ ਕੀਤਾ। ਇਸ ਤਰ੍ਹਾਂ ਬੈਚ ਨੰਬਰ 254 ਵਿਚ ਓਵਰ ਆਲ ਸੈਕੰਡ ਮਹਾਰਾਸ਼ਟਰ ਦੀ ਸੋਨਾਲੀ ਸ਼ਿੰਦੇ, ਬੈਸਟ ਇਨ ਸ਼ੂਟਿੰਗ ਅਸਾਮ ਦੀ ਨਾਰਿਨਾ ਹਜਾਰਿਕਾ, ਓਵਰ ਆਲ ਫਸਟ ਅਤੇ ਬੈਸਟ ਇਨ ਇੰਡੋਰੈਂਸ ਮਹਾਰਾਸ਼ਟਰ ਦੀ ਮੁਕਤਾ ਭੀਮਰਾਜ ਤੇ ਬੈਸਟ ਇਨ ਡਰਿੱਲ ਤੇ ਪਰੇਡ ਕਮਾਂਡਰ ਪੱਛਮੀ ਬੰਗਾਲ ਦੀ ਸੁਸ਼ਮਿਤਾ ਮਲਿਕਾ ਨੇ ਮੁੱਖ ਮਹਿਮਾਨ ਤੋਂ ਮੈਡਲ ਪ੍ਰਾਪਤ ਕੀਤਾ। ਇਸ ਦੌਰਾਨ ਮੁੱਖ ਮਹਿਮਾਨ ਨੇ ਹਥਿਆਰ ਅਤੇ ਫੋਟੋ ਪ੍ਰਦਰਸ਼ਨੀ, ਸੰਸਕ੍ਰਿਤਕ ਤੇ ਹਾਬੀ ਕਲੱਬ ਗਤੀਵਿਧੀਆਂ ਤਹਿਤ ਨਵ ਕਾਂਸਟੇਬਲ ਦੁਆਰਾ ਰੱਦੀ ਅਤੇ ਅਣਵਰਤੋਂਯੋਗ ਸਮਗਰੀ ਦਾ ਉਪਯੋਗ ਕਰਕੇ ਤਿਆਰ ਕੀਤੀ ਗਈ ਕਲਾਕ੍ਰਿਤੀਆਂ ਦੀ ਪ੍ਰਦਰਸ਼ਨੀ ਦੇਖੀ। ਉਨ੍ਹਾਂ ਬੀ.ਐਸ.ਐਫ. ਬੈਂਡ ਦੀ ਧੁਨ ’ਤੇ ਇਨ੍ਹਾਂ ਨਵ ਕਾਂਸਟੇਬਲਾਂ ਦੁਆਰਾ ਗਾਇਆ ਗਿਆ ਬੀ.ਐਸ.ਐਫ. ਗੀਤਾ ਨੂੰ ਵੀ ਸੁਣਿਆ।

ਪਰੇਡ ਉਪਰੰਤ ਰੰਗਾਰੰਗ ਸਭਿਆਚਾਰਕ ਪ੍ਰੋਗਰਾਮ ਹੋਇਆ ਜਿਸ ਵਿਚ ਵੱਖ-ਵੱਖ ਰਾਜਾਂ ਦੇ ਨਵ ਕਾਂਸਟੇਬਲਾਂ ਨੇ ਆਪਣੇ ਰਾਜਾਂ ਦੇ ਲੋਕ ਨਾਚ ਨੂੰ ਅਨੇਕਤਾ ਵਿਚ ਏਕਤਾ ਦੇ ਸ਼ਾਨਦਾਰ ਉਦਾਹਰਣ ਦੇ ਰੂਪ ਵਿਚ ਪ੍ਰਦਰਸ਼ਤ ਕੀਤਾ। ਕੁਸ਼ਲਤਾ ਨਾਲ ਕੋਰਿਓਗ੍ਰਾਫਕ ਕੀਤਾ ਗਿਆ ਸੰਗੀਤਮਈ ਯੋਗ ਅਤੇ ਦੇਸ਼ ਭਗਤੀ ਗੀਤ ’ਤੇ ਸਮੂਹਿਕ ਪ੍ਰਦਰਸ਼ਨ ਨੇ ਪਰੇਡ ਗਰਾਊਂਡ ਵਿਚ ਪੂਰਾ ਮਾਹੌਲ ਰੋਮਾਂਚਿਤ ਕਰਕੇ ਦਰਸ਼ਕਾਂ ਦੇ ਦਿਲ ਜਿੱਤ ਲਏ। ਇਸ ਮੌਕੇ ਆਲ ਇੰਡੀਆ ਰੈਡ ਕਰਾਸ ਸੋਸਾਇਟੀ ਦੇ ਵਾਈਸ ਚੇਅਰਮੈਨ ਸ੍ਰੀ ਅਵਿਨਾਸ਼ ਰਾਏ ਖੰਨਾ, ਕਮਾਂਡੈਂਟ ਸ੍ਰੀ ਐਸ.ਐਸ. ਮੰਡ, ਵਧੀਕ ਡਿਪਟੀ ਕਮਿਸ਼ਨਰ (ਜ) ਸ੍ਰੀ ਸੰਦੀਪ ਸਿੰਘ, ਐਸ.ਪੀ. (ਹੈਡਕੁਆਟਰ) ਸ੍ਰੀ ਅਸ਼ਵਨੀ ਕੁਮਾਰ, ਐਸ.ਡੀ.ਐਮ. ਸ੍ਰੀ ਸ਼ਿਵ ਰਾਜ ਸਿੰਘ ਬੱਲ, ਜ਼ਿਲ੍ਹਾ ਲੋਕ ਸੰਪਰਕ ਅਫ਼ਸਰ ਸ੍ਰੀ ਹਾਕਮ ਥਾਪਰ, ਸਹਾਇਕ ਲੋਕ ਸੰਪਰਕ ਅਫ਼ਸਰ ਸ੍ਰੀ ਲੋਕੇਸ਼ ਕੁਮਾਰ ਤੋਂ ਇਲਾਵਾ ਹੋਰ ਅਧਿਕਾਰੀ ਵੀ ਮੌਜੂਦ ਸਨ।